قال وزير النقل والمواصلات، إنه اكتشف غاز خلال عمليات حفر الأنفاق في بورسعيد، مضيفًا: “لما جينا نحفر لقينا غاز، رغم إننا عملنا مجسات ومكنش فيه غاز، اتصلت فورا بالرئيس عبدالفتاح السيسي وأبلغته بالأمر”، موضحًا أنه كان يتواصل مع الرئيس السيسي، من مرة إلى ثلاث مرات يوميًا.
وأضاف وزير النقل، خلال حواره في برنامج “على مسؤوليتي”، على شاشة “صدى البلد”، مع الإعلامي أحمد موسى: “السيسي قالي لو يا كامل طلع فيه حقل غاز فعلا سيتم ترقيتك لرتبة فريق، فضحكت وقولته ولو مطلعش غاز”، ودخلا الوزير وأحمد موسى في نوبة من الضحك.
وتابع: “الألمان والإيطاليين اللي كانوا معانا، قالوا خطر جدا انك تشغل المكن في الحته دي، عشان ممكن بأي شرارة ممكن تولع، احنا حفرنا تحت المياه بـ70 متر، بس الغاز طلع على عمق 150 متر، واللي ظهر في الأول جيوب غاز محصورة في الأرض، عملنا تصميمات وعملنا حاجة مباشرة، إن أول ما المكنة الحفر تحس بالغاز توقف لوحدها، كنا على أعصابنا”.
وواصل: “درجة ملوحة البحر المتوسط 40 ألف جزء في المليون، تفاجئنا في المكان اللي بنفحر فيه أن درجة الملوحة 60 و65 ألف جزء في المليون، إصرار المصريين ورئيس واعي، جعلنا ننفذ المهمة بنجاح، الغاز صرفناه وعملنا وسائل أمان وحماية للمكن”.
