خاص – مباشر القليوبية
مجلس مدينة بنها ترك كل العشوائيات اللى فى الشوارع والميادين واحتلال الارصفة من الباعة واصحاب المحلات ونزل بحملة مكبرة جدا وراحوا يزيلوا الـ ايه الإعلانات المخالفة بشارع خدمة اجتماعية لتطبيق الهوية البصرية والارتقاء بالمظهر الحضاري بمدينه بنها .
والسؤال اللى بيفرض نفسه لما نزلتوا وشوهتوا واجهات المحلات بالتكسير للافتات طبقتوا الهوية البصرية وارتقيتوا بالمظهر الحضارى ..اعتقد ان انتم شوهتوا المظهر الحضارى .
يارئيس مدينة بنها بدلا من حملة التشوية اللى انت فرحان بها وطالع بونش تهدم فى اللافتات وتكبد اصحاب المحلات اموال طائلة خد الونش والحملة وروح عزبة السوق او روح منطقة الكوبرى او روح منشية بنها وشوف الباعة الذين يغلقون الطرق امام السيارات والاسواق العشوائية التى افتعلوها بسبب غياب المحليات .
