قال الإعلامي تامر أمين، مقدم برنامج “أخر النهار” والمذاع على فضائية “النهار” إن السيدة عطيات، في إشارة للفنانة فيفي عبده، قررت العودة للرقص مرة أخرى، موضحا أنها ذهبت لأحد الفنادق وأقامت مؤتمرا صحفيا، وأعلنت عودتها للرقص مرة أخرى وهو ما أدهش جميع الحضور.
وأضاف أمين أن عبده قالت “طول مافيا نفس وروح هفضل أرقص” وهو ما انتقده بقوله “ياسلام.. وكأنه جهاد أو علاقة مع ربنا”، موضحا أنه لا يعلم كيف يفكر هؤلاء الأشخاص، وكيف يعبث الشيطان بعقولهم “الست عطيات تبلغ من العمر 65 سنة ودي الحقيقة مش بدعي، والستات في السن ده وصلت بالعمر إلى أرذله.. والمفروض تفكر في آخرتها وكيف تنهي حياتها بشكل كويس”.
وتابع: “وبعدين قالت كلام في المؤتمر الصحفي وبتتفاخر وبتقول أن كل الرقاصات الأجنبيات الموجدات في مصر تعلمن الرقص مني.. وشاكيرا تعلمت الرقص من سيديهاتي.. إيه الفخر والتيه ده وكأنها بنت الهرم أو خدت جائزة نوبل”.
واختتم هجومه: “ابتدت حياتها بالشكل ده ورقصت كتير وعملت فلوس خلاص ربنا يغفر يعني والمفروض تحمد ربنا على الصحة فتتوب ويكون اللي جاي غير اللي راح، اللي فات حمادة واللي جاي حمادة تاني خالص، لا حول ولا قوة إلا بالله”.
