رئيس مدينة طوخ عندما تلفظ بالفاظ خارجة موجها كلامه لجميع مسؤلين طوخ ” مش هنقول اللفظ تانى اللى قاله رئيس المدينة ” علشان محدش يزعل من المسؤلين لم يحدد مين من المسؤلين ولكن اطلق السباب والالفاظ النابية لجميع المسؤلين سواء تنفيذين او شعبيين ونسى ان طوخ خرج منها عمالقة وقادها ” عتاولة ” سواء فى العمل السياسى او الشعبى وعلشان هو ليس من القليوبية وجاى من محافظة ” ناس اصحابنا ” فهو لا يعلم عن طوخ شيئا والمجال لن يسمح ان نعرف سيادتك مين هى طوخ ومين اللى قاد العمل السياسى والشعبى فيها ومين اللى بيقودها الان .
علشان حضرتك تقف فى اجتماع رسمى وهو اجتماع المجلس التفيذى للمدينة واللى بيحضرة جميع رؤساء القرى وتقول ان حضرتك بتصرف على طوخ من جيبك و المسؤلين تحت و ” لموأخذه ” ..فهذا كلام غير مقبول .
كمان حضرتك كنت موجه دعوى لنواب الشعب والشورى علشان يحضروا هذا الاجتماع فهل ياترى لو ان النواب الثمانية ” 5 مجلس نواب و3 شيوخ ” لو كانوا حضروا وسمعوا حضرتك وانت بتتلفظ بالفاظ غير مقبولة عن مركزهم او مدينتهم ماذا سيكون رد فعلهم .
ياريت الساده النواب الثمانية اللى طالهم جزء صغير اوى اوى من اهانة رئيس المدينة بقولة انه بيصرف على مركز طوخ من جيبة وانه لا يشرفه العمل فى مركز طوخ نعرف ردهم ..لاننا لم نسمع انهم قدموا مزكرة لوزير التنمية المحلية او حتى للمحافظ او عملوا له استجواب واللى حتى واحد عاتبة فيما قالة ..ياترى انتوا عاملين نفسكم مش واخدين بالكم واللى اية ..دا فى مزكرة مكتوبة بالالفاظ والكلام ويقال ان فى تسجيلات ..
وياريت سيادة المحافظ يخرج علينا ببيان او تفسير او تكذيب او رد عما تلفظ به رئيس مدينة طوخ وخصوصا وان فى مزكرة رسمية على مكتبة بالموضوع واللى عرفناه كمان انه حول هذه المكزة للشؤن القانونية فى المحافظة للتحقيق واللى طبعا هيتم بالشكل اللى يرضى رئيس مدينة طوخ وطبعا كل اللى قريبين من رئيس المدينة عارفين لية ؟؟
الملفت فى الموضوع ان اثنين فقط من رؤساء القرى اللى كانوا حاضرين الاجتماع اللى دمهم غلى فى عروقهم بسبب اهانات رئيس المدينة وقاما الاثنين بتحرير مزكريتين مضمونهما الإهانات الى خرجت من رئيس المدينة وقاما برفعها لمحافظ الاقليم وطالبا رئيسا القريتين باعفائهما من عملهما اعتراضا على اهانات رئيس المدينة .
