إعلان

إعلان

اجرة الركوب بين الواقع والمكتوب فى الاوراق فى مواقف سيارات القليوبية

0 320

تعريفة الركوب اللى خرجت علينا محافظة القليوبية ومشروع مواقف السيارات والسرفيس ومجالس المدن ومديرية امن القليوبية والمرور بها اليوم الاربعاء للمواطنين بصراحة قمة الاستخفاف بالناس حاجة من اتنين وفى ثالث كمان اما ان المسؤلين فى محافظة القليوبية يعيشون فى وادى تانى خالص بعيدا عن الناس ومفيش عندهم فكرة بالموضوع ! او ان هما عارفين اللى بيحصل للناس من السواقين وبيقسموا معاهم ! او حاجة ثالثة بقى مش هاقول عليها !!
يعنى لما نتكلم عن مجلس مدينة قها مثلا نجد ان اجرة الركوب على ارض الواقع من قها الى طوخ بـ 3 جنية وفى التعريفة الرسمية اللى مجلس امدينة ارسلها للمحافظة بـ 2 جنية ونجد ايضا اجرة الركوب فى الواقع من قها الى بنها بـ 5 جنية وفى التعريفة المقررة الجديدة اللى ارسلها مجلس المدينة بـ 2 جنية ونصف واجرة الركوب على ارض الواقع من قها الى قليوب بـ 4 جنية وفى التعريفة الجديدة الرسمية بـ 2 جنية كما ان اجرة الركوب من قها الى المؤسسة على ارض الواقع بـ 5 جنية وفى التعريفة الرسمية 2 جنية ونصف !
بالذمة ده كلام عقل يصدقه .
نروح لمكان تانى تعريفة الركوب من بنها الى شبين الكوم على ارض الواقع بـ 5جنية ونصف اما فى التعريفة الجديدة بـ 3 جنية ونصف وكمان تعريفة الركوب من قليوب الى طوخ على ارض الواقع بـ 5جنية بينما فى الاوراق الرسمية بـ 2 جنية ونصف
مكان أخر – الاجرة من بنها الى كفر شكر واقعيا 4 جنية واحيانا 5 جنيه ولكن فى الاوراق الرسمية 3 جنية و25 قرشا والاجرة من شبين القناطر الى طوخ على ارض الواقع 3 جنية اما فى الاوراق الرسمية 2 جنية ونصف كما ان الاجرة من بنها الى طوخ على ارض الواقع 3 جنية اما فى الاوراق الرسمية 2 جنية ونصف .
الكلام ده اللى على ارض الواقع من الناس اللى بتركب المواصلات كل يوم مش من عندنا ولو فى مسؤل عاوز يصدق يلبس جلابية علشان محدش يعرفة ويروح يركب المواصلات ويشوف هيدفع كام ويشوف السواقين بتلتزم بالتسعيرة الجديدة ام لا وفى الاخر يقولوا الناس السبب انهم مش بيشتكوا ..المواطن يا ولداه جاى طهقان من شغله وعاوز يروح بيتة واللى هيعمل خناقة مع السواق ويروح بيه قسم الشرطة ويضيع اليوم فى ” س ” و ” ج ” ومحضر امين شرطة هيعلموا فى 5 ساعات لانه طبعا بيعملوا من غير نفس .
باختصار الخلل عند مين بالضبط عند الناس واللى المسؤلين واللى والمرور اللى بيراقب واللى مجلس المدينة واللى المحافظة

مباشر القليوبية

أخبار قد تهمك

قد يعجبك ايضا