كتب : هدير انور
“مومياء الأميره الفرعونيه الصارخه ”
” الساق مُنحنيه عِند الكاحل و الرأس مائِله و الفم مفتوح و كان يظهر عليها علامات الألم الشديد”
دا بالظبط وضع مومياء الأميره الصارخه علي الرغم من أن طرق تحنيط النساء في عصر الفراعنه كانت عكس الوصف دا تمامًا ، كانوا بيحرصوا علي أن الجسد يكون مُستقيم و الفم مُغلق ، طيب ايه اللي حصل و مين الأميره دي؟؟!
تم العثور علي لفائف كتان مُتعلقه بيها عام 1881 في خبيئه الدير البحري ، و اللي كان مكتوب عليها اسمها و هو ” ميريت امون” بنت الملك سقنن رع
توفت في الخمسينات من عُمرها و كانت مريضه بتصلب الشرايين ، اُصيبت بنوبه قلبيه بسبب حدوث اصابه في عدد كبير من شرايين الجسد وصولاً لشرايين القلب و الرقبه و اللي ادي لإصابتها بنوبه قلبيه و نتيجه ليها صرخت بشده حتي الوفاه علي هذا الوضع……و فضلت كدا لساعات طويله جدًا من غير ما حد يكتشف وفاتها و كانت في وضع الصراخ و انحناء القدم ، فحصلها تيبس للعضلات و المُحنطين مقدروش يحنطوها بالشكل المُعتاد و يعدلوا من وضع جثتها…….
و أخيرًا تُعتبر “ميريت رع” هي اول جثه في تاريخ المومياوات يكون سبب وفاتها هو السكته القلبيه……
