مقالات

سها طه عوضين تكتب…  البحث عن القسوة..!!!

 

القسوة إلى بقينا فيها تغم
معادش فينا حيل…ولا حال منا يهم …بقينا ندور عالقسوة فى الكلام
وفى لحظه يطبعه اللسان …..ونتسابق
مين فينا اكتر قسوة….من فينا أكتر ذل
وندور عالعيوب والخبايا ….ونشوف أصل الحكاية
وترجع عالودان نزن ….دا عمل ودا سواا
ودى قالت ودى مالت ….وحالنا معدش يسر
والقريب قبل الغريب ….نجري عالغريب نحكيله
وكأنه حاكم زمانه ….وكلمته سيف ….طالما ذم
نيجي للقريب نضحك ….نتكلم زى الأخوة تمام
ومع أول لفته تلاقي سهام ….بنتسابق مين أكتر واحد غلطان
نجري ننصح ونعلم ….وكأننا عمرنا مابنغلط
ويوم الفرح نتخبي ….كلمه مبروك مذمومة
والغل فى العيون متشال ….والقلب مهموم مغموم
نفرح فى الكلام الذم ….ونشمت فى الموت والهم
وساعة الفرح بنزيده هم وغم ….تقلش ده دين
وكأن الدنيا دايمة ….وكأن الساعة واقفة
وكأننا ناسون ….أنها ساعة
وعقاربها بتجري فى الساحة….معادش صاحب زى زمان
والبركة حلفت ماتبان ….الصغير كبر قبل الأوان
والكبير داير ماينام ….والكل فى دوامة
القسوة بقت علامة….نخاف فى يوم تقل
يقولوا ضعيف …..ويرموا كلام
احنا فى زمن السهام ….كل مارميت قسوة كل مالميت سهام
كل ماسلمت من كان والى قال ….الدنيا أصلها دايرة
ومسيره إلى قال ….يبقي مكان المقال
بنجري ونسبق ….نشوف مين فينا هيلحق
ورث أمي وأبويا …فى زمنا مافيش حاجة اسمها قسمة
التركة مكانها فى قلب الواد ….من امتي البنت بتورث
من امتى التركة بتتقسم ….والبنت بتتكلم
غليها الهمن وطالبت ….من امتي البنت بتتحكم
غلبتها الكلمه وصرخت ….تلقي الكف يلاحقها
البنت صوتها ميعلاش ….أصلنا فى بلد الشجعان
كل ماتقوي على بنتك وأختك …..وتزيد فى إهانةوفى القسوة
كل مابقيت من الشجعان …أو من الرجال
مفهوم مبتذل ….لحية وعضلات
وصوت يعلى ويحتج ….أصل أنا راجل
إنما انتوا بنات ….أقسي وأرجم أهين وأضرب
عادى أصل أنا راجل ….حق الضعيف بقي يتاكل
ساكت لكنه مش خايف …..عارف
مبيضعش حق وراه مطالب …..واهو ربك مش ناسي
والدنيا دوارة ….مش دايمة
مش باقية….مش كاملة
القسوة إلى بقينا فيها تغم …..لا عدو ولا حبيب تسر
معادش فينا حيل…ولا حال منا يهم ……بقينا ندور عالقسيه فى الكلام
وفى لحظه يطبعه اللسان ……ونتسابق
مين فينا اكتر قسوة….من فينا اكتر ذل

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى